SSRİ rəhbəri İosif Stalin Böyük Vətən Müharibəsinin başlanmasına qədər Türkiyə ilə müharibəyə hazırlaşırdı.
Modern.az Rusiya KİV-nə istinadən xəbər verir ki, Sovet lideri Qara dəniz boğazlarına sahib olaraq, Aralıq dənizinə çıxmağı hədəfləyirdi.
Rusiyalı jurnalistlər Stalinin 1940-cı il noyabrın 25-də Bolqarıstan Sosial-Demokrat Partiyasının sədri Georgi Dimitrovla görüşdə dediyi ifadələri üzə çıxarıb.
“Biz türkləri Asiyaya qovacağıq. Nə Türkiyə? Orda 2 milyon gürcü, 1,5 milyon erməni, 1 milyon kürd və s. var. Türklər özləri vur-tut 6-7 milyondur” –deyə görüşün stenoqramında yazılıb.
Məlumata görə, Türkiyəyə qarşı hücum əməliyyatına hazırlıq 1941-ci ilin 21 iyununa qədər davam edib. Lakin Almaniyanın SSRİ-yə hücumu bu planları alt-üst edib.
Vüqar İSMAYILOV
