“2013-cü ildə təhsil sahəsində milli strategiya prezident tərəfindən təsdiq edilib. Bu, təhsil sahəsində ilk strategiya olub. Burada aydın şəkildə təhsil sahəsində inkişaf məqsədləri müəyyən edilib”.
Modern.az xəbər verir ki, bunu təhsil naziri Mikayıl Cabbarov AŞPA-nın Bakıda keçirilən Sosial məsələlər, sağlamlıq və dayanıqlı inkişaf komitəsinin iclasında çıxışı zamanı deyib. O bildirib ki, son 4 il ərzində Azərbaycanda orta məktəb şagirdləri daha yaxşı akademik fəaliyyət həyata keçiriblər.
“Bu sahədə 17 faiz artım müşahidə edilib. Universitetlərə qəbul qiymətləndirlməsində nəticələrin daha yüksək olması qeydə alınıb. Məktəbəqədər təhsil siteminə çıxış asanlaşdırlıb. Bu çox vacibdir və xalqın uzunmüddətli inçifına təsir edir. Bu Azərbaycan üçün narahatlıq doğuran bir sahə idi. Bizim qənaətbəxs məktəbəqədər təhsil sistemimiz yox idi. Məsələləni çətinləşdirən səbəblərdən biri də bu müəssisələrin qaçqın və məcburi köçkünlər tərəfindən tutulması idi. Məktəbəqədər təhsil müəssiələrinə uşaqları gətirmə faizi 18 faiz idi. Biz daha sonra kapital genişlənməsi həyata keçirdik. 3 il ərzində 18 faiz 55 faizə qalxdı”.
Təhsil naziri əlavə edib ki, təhsil sahəsində müxtəlif xidmətlər onlayn formada təmin olunub. “Xarici diplomaların tanınması, elektron qaydada məktəbə yazılmaq və s bu xidmətlərə aiddir”.
Nazir bildirib ki, hazırda Azərbaycanda 140 min müəllimin, bütün müəllimlərin 95 faizinin diaqnostikası həyata keçirilib.
“Bunun məqsədi təhsilin keyfiyyətini artırmaq idi. Nəticədə isə diaqnostikadan keçən müəllimlərin maaşı 2 dəfə artıb”.
Mirmahmud KAZIMOĞLU
