Son vaxtlar cəbhədə vəziyyət gərgin olaraq qalır. Müdafiə Nazirliyinin rəsmi məlumatlarından da görünür ki, düşmən təxribatları artıb. Bütün bunlar isə Qarabağ probleminin danışıqlar yolu ilə həllindən çox müharibədən xəbər verir.
“Azərbaycan ordusu ermənini daha yüksək səviyyədə susdurmalıdır”
Milli Məclisin Təhlükəsizlik, müdafiə və korrupsiya ilə mübarizə komitəsinin üzvü Elman Məmmədov da Modern.az-a həm sərhəd bölgəsində, həm də təmas xəttində erməni təxribatlarının ardı-arası kəsilmədiyini bildirib:
“Son iki ayın statistikasında atəşkəsin pozulması rəqəmləri yüz dəfədən yuxarı göstərilir. Bunun özü son dərəcə gərgin bir vəziyyətdən xəbər verir. Müdafiə Nazirliyi də obyektiv olaraq bu informasiyaları verir: “düşmən cavab atəşilə susdurulur”, “təxribatların qarşısının alınması üçün tədbirlər görülür”.
Azərbaycan-Ermənistan sərhədi boyunca demirəm, ancaq işğal olunmuş ərazilərimizdən keçən qoşunların təmas xətti bizim ərazimizdir və hazırda düşmənlər bizim ərazimizdədir.
Mən hesab edirəm ki, Azərbaycan ordusu təkcə düşmənin təxribatlarına cavab verməklə kifayətlənməməlidir. Azərbaycan ordusu düşmənin hər bir təxribatına qarşı çox yüksək səviyyədə, onları darmadağın edən cavab tədbirləri görməli və düşməni uzun illərdir oturduqları səngərlərdən geri atmalıdır.
Biz bunlara cavab olaraq elə sarsıdıcı zərbələr vurmalıyıq ki, getdikcə bizim ərazilərimizdən qaçsınlar. Necə ki, təxminən bir il əvvəl Lələtəpə, Talış yüksəkliyi istiqamətindəki tədbirlər həyata keçirdik. İndi aprel döyüşlərindəkindən daha yüksək, daha güclü formada düşmənə zərbə vurulmalıdır ki, onlar bizim ərazimizi tərk etsin”.
“Erməni anaları hər gün öz uşaqlarının meyitlərini qəbul etməlidir”
Parlament üzvü deyib ki, erməni cəmiyyətini daim təşvişdə saxlamalayıq:
“Elə etməliyik ki, Ermənistan cəmiyyətində bir təşviş, qorxu həmişə mövcud olsun. Erməni əsgərlərinin anaları gündəlik olaraq təmas xəttindən öz uşaqlarının meyitlərini qəbul eləsinlər ki, bu cani Sarkisyanın hakimiyyətinin laxlamasına, devrilməsinə gətirib çıxarsın.
Erməni əsgərinin sərhəddə qalması qəbulolunandır. Çünki dövlət sərhədidir, olmalıdır. Amma Ermənistan silahlı qüvvələrinin əsgərinin Azərbaycan ərazisində olması qəbulolunmazdır. O, işğalçı əsgərdir. Ona görə də erməni əsgərlərinin Azərbaycan ərazisindən meyiti evinə getməlidir ki, bu Ermənistan cəmiyyətinə dərs olsun”.
“Dayanıqlı atəşkəs gözləməyin”
E.Məmmədovun sözlərinə görə torpaqlarımız işğaldan azad olunmayana qədər dayanıqlı atəşkəsdən söhbət gedə bilməz:
“Şəxsən mən onun tərəfdarı deyiləm ki, biz öz ərazilərimizdə atəşkəsin pozulmamasını gözləyək. Mən bunu həmsədrlərlə, beynəlxalq təmsilçilərlə görüşlərdə də dəfələrlə demişəm ki, siz heç vaxt dayanıqlı atəşkəslə bağlı bizə təklif verməyin. Bu onda olacaq ki, düşmən dövlətin qoşunları Azərbaycan ərazisindən çıxacaq, Azərbaycanın Birləşmiş Millətlər Təşkilatına hansı sərhədlərlə qəbul olunubsa, o sərhədləri bərpa olunacaq.
O zamanAzərbaycan-Ermənistan sərhədində dayanıqlı atəşkəsdən də, sülhdən də, əməkdaşlıqdan da, qarşılıqlı etimaddan da danışarıq. Ancaq düşmən 25 ildən çoxdur ki, oturub mənim ərazimdə mən nəyə görə dayanıqlı atəşkəsdən danışmalıyam?!”
Gülşən RAUFQIZI
