1 İyun Uşaqların Beynəlxalq Müdafiəsi Günüilə əlaqədar Azərbaycan Respublikasının Aktau şəhərindəki Baş konsulluğunda tədbir keçirilib.
Modern.az xəbər verir ki, tədbirdə Aktau şəhərinin 6 saylı məktəbində fəaliyyət göstərən Azərbaycan dilinin, ədəbiyyatının və tarixinin tədrisi üzrə “Bazar günü məktəbi”nin şagirdləri, azərbaycanlı uşaqlar və onların valideynləri iştirak ediblər.
Baş konsulluğun rəhbəri Elxan Zeynalov açaraq, Azərbaycan Respublikasında uşaqlara olan dövlət qayğısından danışaraq, görkəmli siyasi xadim Heydər Əliyev tərəfindən Azərbaycan Respublikasında uşaqlarla bağlı həyata keçirilməyə başlanılmış siyasət, 19 may 1998-ci ildə “Uşaq hüquqları” haqqında qəbul edilmiş Qanun haqqında məlumat verib.
Elxan Zeynalov bu gün Azərbaycan Prezidenti İlham Əliyev və Azərbaycanın birinci xanımı, Heydər Əliyev Fondunun prezidenti Mehriban Əliyeva tərəfindən uşaqlara göstərilən diqqət və qayğısını diqqətə çatdırıb.
Daha sonra, Azərbaycan Respublikasında uşaqlara dövlət qayğısından bəhs edən film nümayiş etdirilib.
Azərbaycan dilində şeir və Azərbaycan haqqında rəsm müsabiqələrində qalib gəlmiş uşaqlara Baş konsulluğun xatirə hədiyyələri və Azərbaycan haqqında suvenirlər təqdim edilib.
Modern.az
