Prezident Administrasiyasının strukturunda yeni dəyişikliklər edilib. Bu dəyişiklik nəticəsində Prezident Adminstrasiyasında bəzi yeni vəzifələr yaradılıb, yeni təyinatlar gerçəkləşib. Eyni zamanda bəzi vəzifələr ləğv olunub.
Milli Məclisin Aqrar siyasət momitəsinin sədri Eldar İbrahimov Modern.az-a açıqlamasında Prezident Administrasiyasındakı struktur dəyişikliklərini yüksək qiymətləndirdiyini bildirib:
“Cənab Prezidentin indiyədək həyata keçirdiyi qərarlar, verdiyi sərəncamlar həmişə uğurlu siyasətin nəticəsi olub. Budəfəki dəyişikliklər də onlardan biridir”.
Adminstrasiyada yaradılan yeni vəzifələrdən biri də Gənclər siyasəti və idman məsələləri şöbəsinin müdiri postudur. Ölkə başçısı bu vəzifəyə Yusuf Məmmədəliyevi təyin edib.
Eldar İbrahimov bu vəzifə təyinatı ilə bağlı da fikirlərini bölüşüb:
“Əlbəttə gənclər üçün də Administrasiyada müəyyən vəzifələrin yaradılması gözəl hadisədir. Çünki gənclər bizim gələcəyimizdir və onlara da yer ayırmaq lazımdır”.
Günay RƏSULQIZI
