Azərbaycan Dövlət Neft Şirkətinin karbamid zavodunun tikintisi üzrə işlərin 95 faizi başa çatıb. Modern.az "Trend"ə istinadən xəbər verir ki, bunu zavodun direktoru Xəyal Cəfərov bildirib.
Onun sözlərinə görə, bütün işlərin bu ilin sonunadək başa çatdırılması planlaşdırılır.
X.Cəfərov qeyd edib ki, istehsalat 2018-ci ilin birinci yarısında başlayacaq.
Qeyd edək ki, zavod il ərzində 650-660 min ton karbamid istehsal edəcək. Bu məhsulun 25 faizə yaxını daxili bazara, qalan hissəsi ixracata yönəldiləcək.
Modern.az
