"Ölkəmizin sürətlə qloballaşan dünyaya inteqrasiyasında təhsilli gənclərin üzərinə böyük missiya düşür". Modern.az xəbər verir ki, bu fikirləri Azərbaycan Respublikasının Birinci vitse-prezidenti, Mehriban Əliyeva SABAH-ın məzunlarına ünvanladığı təbrik məktubunda bildirib.
Mehriban Əliyeva bildirib ki, SABAH könüllüləri ölkəmizdə keçirilən irimiqyaslı beynəlxalq tədbirlərdə böyük rol oynayıb: "SABAH layihəsi cənab Prezidentin 2013-cü ildə təsdiq etdiyi “Azərbaycan Respublikasında təhsilin inkişafı üzrə Dövlət Strategiyası”nın icrası çərçivəsində həyata keçirilən mühüm təşəbbüslərdən biridir. Savadlı, bacarıqlı və hazırlıqlı gənclərin yetişməsi isə ölkəmizin gələcəyi üçün önəmlidir".
Birinci vitse-prezident könüllülüyün, yardımsevərliyin vacib vətəndaş keyfiyyətləri olduğunu vurğulayıb.
Modern.az
