Rumıniyanın paytaxtı Buxarestdə cüdo üzrə Avropa açıq çempionatına yekun vurulub. Modern.az xəbər verir ki, Azərbaycan cüdoçuları "Bucharest Open" turnirində 4 medal qazanıblar. Fəxri kürsünün ən yüksək pilləsi 90 kq çəki dərəcəsində çıxış edən Tural Safquliyevə qismət olub. Tural Safquliyev rumıniyalı, böyük britaniyalı və 2 italiyalı rəqibini məğlub edərək finala yüksəlib. Həlledici qarşılaşmada da Safquliyev vaxtından əvvəl qələbə qazanaraq qızıl medala yiyələnib.
Azərbaycanın 3 cüdoçusu isə finalda uduzub. 73 kq çəkidə Hüseyn Rəhimli, 81 kq çəkidə Fəqan Quluzadə, 100 kq-dan yuxarı çəkidə isə Uşangi Kokauri ikinciliklə kifayətlənib.
Modern.az
