Ruslan adlı Dağıstan sakini gey olduğu üçünm ölkəsində ciddi basqılara məruz qaldığını deyib.
Modern.az Rusiya KİV-nə istinadən xəbər verir ki, hazırda Türkiyədə qaçan Ruslan adlı geyin Dərbənd şəhərində yaşadığı zaman üzləşdiyi təzyiqlərdən danışıb.
“Hər şey 2013-cü ildə başladı. Dərbənddə küçə ilə gedərkən mülki geyimli şəxslər maşınla qarşımı kəsdilər və zorla ona mindirdilər. Bölməyə gəldikdən sonra məni sorğu-sual etməyə, dostlarım və ailəm haqda məlumat almağa başladılar. Sonra isə gey dostumla onun evində çəkdiyimiz videonu mənə nümayiş etdirdilər. Bu intima video idi və onun polislərin əlində olması məni pis vəziyyətdə qoydu. Mənə əməkdaşlılq təklif olundu və Suriyaya göndərilməcəyim deyildi. Onların məqsədi mənim vasitəmlə Suriyadakı Dağıstan əsilli gənclər haqda məlumat toplanması idi”.
Ruslan adlı gənc qərara vermək üçün ona 5 gün vaxt verildiyini deyib. Bu müddətdə o, bütün sənədlərini götürərək Azərbaycana gəldiyini və burdan Türkiyəyə qaçdığını etiraf edib.
Onun sözlərinə görə Dağıstandakı ailə üzvləri buna görə ciddi təzyiqlərə məruz qalır.
Vüqar İSMAYILOV
