Moskva vilayətinin Lyubertsı şəhərində kriminal epizod yaşanıb.
Modern.az Rusiya KİV-nə istinadən xəbər verir ki, polisə şikayət edən yerli sakin kafelərdən birində ona 3 nəfərin hücum etdiyini və 30 milyon rubl pul tələb etdiyini deyib.
Naməlum şəxslər tərəfindən qəbirstanlığa gətirilən biznesmen döyüldükdən sonra diri-diri basdırılmağa başlanıb. Sonradan onun qardaşına zəng edən cinayətkarlar 1 milyon rubl və həmin şəxsin avtomobili qarşılığında biznesmeni azad ediblər.
Qapalı kəllə-beyin travması, qabırğaların sınığı və s. xəsarətlərlə xəstəxanaya çatdırılan şəxsin həyatı xilas olunub.
Faktla bağlı araşdırma çərçivəsində dəstə üzvü olan Azərbaycan vətəndaşı saxlanılıb. Onun 30 yaşı olduğu bildirilir.
Vüqar İSMAYILOV
