Bu gün səhər Ucarda ağır yol qəzası baş verib. Modern.az saytı Fövqəladə Hallar Nazirliyinə istinadən xəbər verir ki, Böhran Vəziyyətlərində İdarəetmə Mərkəzinə, Ucar rayonu, Alpı kəndində “FORD” markalı minik avtomobilinin idarəetməni itirərək yol kənarındakı dirəyə çırpılması nəticəsində yol-nəqliyyat qəzasının baş verməsi barədə məlumat daxil olub.
Dərhal Nazirliyin Dövlət Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq avtomobildə sıxılmış vəziyyətdə qalmış sürücünü çıxarmış və aidiyyatı üzrə təhvil veriblər. Əməliyyat saat 06:38-də başa çatıb.
Modern.az
