Xomeyni məqbərəsində silahlı hücum təşkil edən zaman məhv edilən silahlıların sayı 2-yə çatıb. Digər məlumata görə, parlamentə hücum edən 4 nəfərdən biri kamikadze olub və hazırda təhlükəsizlik qüvvələri tərəfindən mühasirəyə alınıb.
***
Hadisələr nəticəsində yaralananların 8-ə çatdığı bildirilir.
***
Xomeyninin məqbərəsinə hücum edən 3 nəfərdən 2-si saxlanılıb.
Modern.az-ın məlumatına görə, yerli KİV-lər üçüncü şəxsin özünü partlatdığını bildirir.
Hadisə nəticəsində 1 nəfər ölüb, 5 nəfər yaralanıb.
***
Tehranda Xomeyninin məqbərəsində bir nəfər özünü partladıb.
Modern.az-ın məlumatına görə, bundan əvvəl bir neçə naməlum şəxsin məqbərədə atəş açdığı bildirilirdi.
Hadisə nəticəsində yaralıların da olduğu deyilir.
***
İran parlamentində atışma baş verib.
Modern.az İran KİV-nə istinadən xəbər verir ki, naməlum şəxslər Tehranda parlament binasına daxil olaraq 2 nəfəri yaralayıb. Məlumata görə, hadisə zamanı 1 nəfər ölüb, 2 nəfər isə yaralanıb. Ölən şəxsin parlamentin mühafizə xidmətinin rəhbəri olduğu bildirilir.
Silahlıların 3 nəfərdən ibarət qrup olduğu bildirilir.
Vüqar İSMAYILOV
