Bu gün Ramazan ayının 12-ci günüdür.
Cari ildə yay mövsümünə təsadüf edən Ramazan ayında, oruc tutma müddəti 16-17 saat civarıdır.
Bu baxımdan bədənin imsaq və iftar vaxtlarında düzgün və tarazlı qidalarla bəslənməsi mühüm əhəmiyyət kəsb edir.
Modern.az xəbər verir ki, tibb mütəxəssisləri Ramazan ayında süd və süd məhsullarını süfrədən əskik etməməyi məsləhət görür. Süd məhsullarının şorba, yemək və şirnilərdə istifadə olunması məqsədəuyğun görülür.
Belə ki, süd və süd məhsulları, uzun müddətli aclıq saatlarında bədənin protein və kalsium ehtiyacını ödəyən ən yaxşı qidalardan hesab edilir.
Tərkibi protein və kalsium başda olmaqla, yağ, karbohidrat və çox çeşidli vitaminlərlə zəngin olan süd məhsulları həzmi asanlaşdırır.
Mütəxəssislər bildirir ki, imsaq vaxtı içilən bir stəkan süd və ya ayran gün ərzində uzun müddət tox qalmağa kömək edir.
Məcid Əmirov
