Modern.az

Çempionlar Liqasının finalı ya Bakıda, ya da Madriddə keçiriləcək

Çempionlar Liqasının finalı ya Bakıda, ya da Madriddə keçiriləcək

8 İyun 2017, 11:14

UEFA 2019-cu ildə keçiriləcək klub turnirlərinin final qarşılaşması və UEFA Superkuboku uğrunda oyun üçün namizədliyini irəli sürmüş və tələb olunan vaxta – iyunun 6-dək sifariş kitabını təqdim etmiş milli assosiasiyaların siyahısını açıqlayıb.

 

Bu barədə Modern.az-a AFFA-dan məlumat verilib.

 

Xatırladaq ki, AFFA 2019-cu ildə UEFA Çempionlar Liqası və UEFA Avropa Liqası turnirlərinin final oyununu keçirilməsi üçün Bakı Olimpiya Stadionunun namizədliyini irəli sürüb.

 

Hər iki matç üçün sifariş kitabını təqdim etmiş assosiasiyalar aşağıdakılardır:

 

UEFA Çempionlar Liqası

 

Azərbaycan – Bakı Olimpiya Stadionu

İspaniya – Madrid, “Metropolitano” stadionu

 

UEFA Avropa Liqası

 

Azərbaycan – Bakı Olimpiya Stadionu

İspaniya – Sevilya, “Ramon Sançes-Pisxuan”

Türkiyə - İstanbul, “Beşiktaş Arena”

 

Oyunların keçiriləcəyi stadionlarla bağlı UEFA İcraiyyə Komitəsinin qərarı bu il sentyabrın 21-də açıqlanacaq.

 

Mirmahmud KAZIMOĞLU

Facebook
Dəqiq xəbəri bizdən alın!
Keçid et
Rusiyadan hücum - Bu dəfə Türkiyəni vurdular