Üzümçülük və Şərabçılıq Elmi-Tədqiqat İnstitutunun direktoru, tanınmış alim, t.e.d. Beynəlxalq Üzümçülük və Şərabçılıq Akademiyasının və Avropa Təbiət Elmləri Akademiyasının həqiqi üzvü Tariyel Məhəmməd oğlu Pənahov Beynəlxalq Üzüm və Şərab təşkilatının (OIV) elmi dəstəyi ilə İtaliyanın “Citta del Vino” Milli Assosiasiyası və RECEVIN təşkilatı tərəfindən təşkil olunan “La Selezione Del Sindaco 2017” XVI Beynəlxalq Şərab Müsabiqəsində iştirak etmək üçün İtaliyanın Tramonti şəhərində səfərdə olub.
Modern.az xəbər verir ki, səfər “Citta del Vino” Assosiasiyasının baş direktoru Paolo Benvenutinin dəvəti iləbaş tutub.Tariyel Pənahov dequstasiya komissiyasının işində hakim-dequstator qismində iştirak edib.
May ayının əvvələrində isəTariyel Pənahov 2017-ci ildə Beynəlxalq Üzüm və Şərab təşkilatı (OIV) tərəfindən təşkil edilən "Concours Mondial de Bruxelles" 24-cü Şərab və Spirtli içkilər müsabiqəsinin Taşkilat Komitəsinin prezidenti Baudouin Havauksun dəvəti iləİspaniyanın Kastiliya vilayətinin Valladolid şəhərində səfərdə olub.
Qeyd edək ki, Beynəlxalq dequstasiyaya təqdim olunan 1200 avropa şərabı içərisində Azərbaycan Kənd Təsərrüfatı Nazirliyinin mütəxəssisləri tərəfindən seçilib göndərilən iki şərabdan biri gümüş və biri bürünc medala layiq görülüb.
Sevindirici haldır ki, Üzümçülük və Şərabçılıq Elmi-Tədqiqat İnstitutunun alimləri yüksək ixtisaslı dequstator kimi müntəzəm olaraq beynəlxalq dequstasiyalara hakim-dequstator qismində cəlb edilirlər.
Tariyel Pənahov həmçinin Beynəlxalq Üzüm və Şərab Təşkilatının (OIV) baş direktoru Jean-Marie Aurandın dəvət məktubuna əsasən Bolqarıstanın Sofiya şəhərində keçirilən OIV-nin 40-cı Ümumdünya Konqresində və həmin təşkilatın 15-ci Baş Assambleyasında da iştirak edib.
Qeyd edək ki, Kənd Təsərrüfatı Nazirliyinin Üzümçülük və Şərabçılıq Elmi-Tədqiqat İnstitutu tərəfindən ölkədə şərabçılığın inkişafı, bu sahədə mövcud ənənələrin beynəlxalq ictimaiyyətə çatdırılması, yeni növ və keyfiyyətli şərabların istehsalı, ölkədə istehsal olunan şərab məhsullarının ixracının dəstəklənməsi, eyni zamanda bu sahədə Azərbaycan brendinin beynəlxalq bazarlarda tanıdılması, onların rəqabət qabiliyyətinin və nüfuzunun artması üçün mütəmadi olaraq tədbirlər həyata keçirilir.
Modern.az
