Məşhur türk müğənnisi Özcan Dənizin böyük qardaşı həbs oluna bilər.
Ö.Dənizin qardaşı prodüser Ərcan Dəniz, 2011-ci ildə "Ya Sonra" adlı filmin prodüserliyini öz üzərinə götürmüşdü. Həmin vaxtlar azərbaycanlılar tərəfindən də maraqla qarşılanan filmə 2 milyon türk lirəsi (təxmini 960 min manat) büdcə ayrılıb.
Modern.az Türkiyə KİV-nə istinadla bildirir ki, film çəkilişləri zamanı Maliyə Nazirliyi “Vergiyə Nəzarət Etmə” təşkilatı, Ə. Dənizin saxta qəbz düzəldərək vergidən azad olmağa çalışdığını təsbit edib.
Prokurorluq Ə.Dəniz haqqında istintaq başladıb.
Prodüserin “vergi üsulu qanununa müxalif olmaq” cinayət tərkibli maddəsi ilə 5 il həbsi tələb olunur.
Qeyd edək ki, filmdə baş rolları Özcan Dəniz və Dəniz Çakır oynayıblar. Filmin rejissoru Ö. Dənizdir.
Məcid Əmirov
