“3 istehsal müəssisəsi dondurma istehsalına lisenziya almaq üçün Respublika Gigiyena və Epidemiologiya Mərkəzinə müraciət edib”.
Bu barədə Modern.az-a Respublika Gigiyena və Epidemiologiya Mərkəzinin Sanitariya-gigiyena şöbəsinin müdiri Ziyəddin Kazımov məlumat verib.
Şöbə müdiri qeyd edib ki, həmin 3 istehsal müəssisəsi 11 çeşiddə dondurma istehsal edəcək:
“İstənilən müəssisə müraciət edir, laboratoriya tədqiqatı aparılır. Bütün göstəricilər dondurma istehsalı üçün uyğundursa, lisenziya verilir”.
Küçələrdə açıq şəkildə satılan sərinləşdirici içkilər, su, kvas, pivə ilə bağlı yoxlamalara gəlincə, Z.Kazımov buna ixtiyarları olmadığını deyib:
“Prezident İlham Əliyevin göstərişilə ölkədə sahibkarlıq sahəsində aparılan yoxlamalar iki il müddətinə dayandırılıb. Ona görə də bizim hansısa yoxlama aparmaq ixtiyarımız yoxdur”.
Gülşən RAUFQIZI
