Tanınmış uşaq yazıçısı Vüqar Haqverdiyev Azərbaycan Yazıçılar Birliyinə üzv qəbul edilib.
Modern.az xəbər verir ki, Vüqar Haqverdiyev “Sehrli planşet”, “Uçan adan”, “Şir südü” və bir sıra digər maraqlı uşaq kitablarının müəllifidir. Yazıçının əsərləri uşaqlar üçün böyük tərbiyəvi əhəmiyyət daşımaqla bərabər, mövzu, ideya, məzmun, süjet baxımından müasirliyi və orijinallığı ilə seçilir.
V.Haqverdiyev Azərbaycan uşaq ədəbiyyatının inkişafı ilə bağlı ölkədə keçirilmiş mötəbər nağıl müsabiqələrində yüksək yerlərə layiq görülüb.
V.Haqverdiyev Azərbaycan Milli Elmlər Akademiyası Rəyasət Heyəti aparatının Elm və təhsil idarəsinin rəis müavinidir.
