Bu gün Azәrbaycan-Şimali İrlandiya matçı öncəsi mәtbuat konfransı keçirilib. Modern.az xəbər verir ki, Tofiq Bәhramov adıma stadionun media zalında baş tutan konfransdan öncə rәqib komandanın son məşqinin ilk 15 dәqiqәsi media üçün açıq olub.
Jurnalistlər qarşısına çıxan Şimali İrlandiya yığmasının baş məşqçisi Maykl O`Nil oyunçularının hazırlığının yaxşı vәziyyәtdә olduğunu bildirib: "Hazırda qrupda 2-ci yerdәyik. Bura qәlәbә üçün gәlmişik. Sözsüz ki, hәr bir sәfәr oyunu çәtin keçir. Azәrbaycanla ilk oyunda Belfastda 4:0 hesabı ilә inamlı qәlәbә qazandıq. Bir qol da buraxmadıq vә 3 xal qazandıq. Bakıya 3 xal üçün gəlmişik. Düşünürәm ki, burda da hәmin 3 xalı yenidәn әldә edәcәyik".
M.O'Nil Azәrbaycan millisindә önә çıxan futbolçuları da diqqәtdә saxladıqlarını bildirib:
"Almeydanın futbolçu istedadından xәbәrimiz var. Bununla yanaşı, Nazarov, gәnc oyunçu Ramil Şeydayev vә R.Әmirquliyev kimi oyunçuların adlarını çәkә bilәrәm".
Tәcrübәli futbol mütәxәssisi, milli komanda ilә yanaşı, bәzi Azәrbaycan klublarının matçlarına nәzәr yetirdiklәrini dә bildirib: "Azәrbaycan millsinin bütün oyunlarını izlәmişik. Tәkcә Almaniya yox, San Marino, Norveç, Çexiya matçları üzәrindә analiz aparmışıq. Hәmçinin, "Qarabağ" klubunun Avroliqadakı oyunlarına baxmışıq".
M.O'Nil Bakıda olan hava qane etdiyini vurğulayıb: "Bizim son tәlim mәşqlәrimiz Türkiyә dә oldu.Oradakı hava şәraiti ilә Bakının havası oxşardır. Bu baxımdan çәtinlik çәkmәyәcәyimizә inanıram".
Mәcid Әmirov
