Türkiyənin səhiyyə naziri Rəcəb Ağdağ İstanbulda vəfat edən Azərbaycanın energetika naziri Natiq Əliyevlə bağlı açıqlama verib. Modern.az Türkiyə mediasına istinadən xəbər verir ki, səhiyyə naziri Natiq Əliyevin Türkiyəyə ağır vəziyyətdə çatdırıldığını bildirib: “Bir neçə gün əvvəl Azərbaycan tərəfindən bir müraciət edildi. Bir burdan ambulans təyyarəsini göndərdik və dəyərli nazirimizi, qardaşımızı Türkiyəyə müalicəyə gətirdik. Amma çox ağır vəziyyətdə gəlmişdi Türkiyəyə. Vəziyyəti son dərəcə ağır idi”.
Qeyd edək ki, Azərbaycanın energetika naziri Natiq Əliyev iyunun 9-u müalicə aldığı İstanbulda vəfat edib. Mərhumun nəşi iyunun 10-da Bakıya gətiriləcək və II Fəxri Xiyabanda torpağa tapşırılacaq.
Modern.az
