Balakəndə ağır yol qəzası baş verib. Hadisə bu gün saat 10.30 radələrində rayonun “Beş Bulaq” adlanan ərazisində Yevlax-Balakən magistralının 145-ci km qeydə alınıb.
Modern.az saytının məlumatına görə, Balakən Aviasiya Mərkəzində keçirilən paraşüt yarışlarına gedən Zaqatala sürücülük məktəbinin dinləyicilərinin olduğu “Zil” markalı 62-AC-476 dövlət nömrə nişanlı təlim avtomobili aşıb. 25-30 nəfər zilin yük hissəsində olub. Onlardan 15 nəfər xəsarət alıb. Yaralılar Balakən rayon Mərkəzi Xəstəxanasına yerləşdirilib. Onlardan 1 vəfat edib 5-nin vəziyyəti ağırdır. Hadisəyə ilkin səbəb kimi avtomobilin sərt döngədə idarəetməni itirməsi olub. Hazırda qəzanın dəqiq səbəbləri və yaralıların adları dəqiqləşdirilir.
Xaliq Qurbanov
Gəncə
