Akif TƏVƏKKÜLOĞLU
Əməkdar jurnalist
Düşmən çəpərim - oğul,
Eşit, sənə sözüm var.
Bunu unutma heç vaxt,
Sənin bircə yolun var.
Müqəddəs Heydər yolu!
Bu yol adi yol deyil
Bu, ulu Öndər yolu,
Bu yol andım, amanım,
Gələcəyə inamım,
Ümidim, həm pənahım.
Bil, bu yolla düşmənə
Sən qalib olacaqsan!
Adın dillərdə əzbər
Tarixdə qalacaqsan.
Ey hünərvər övladım,
Unutma sən bu yolu...
Yurdumun çörəyinə
Xilaf çixan, ağ olan
Hər mənfura, nadana
Bunu biləsən inan
Bu yol qənim olacaq
Onun sonu çatacaq.
Hünərli ol, qorxmaz ol,
Yerə çökdür düşməni
Tezliklə qələbəni
Yetirəcək zamanım.
Ali Baş Komandanım!
