Bu gün metronun “Elmlər Akademiyası” stansiyasında bir nəfər sərnişin qatarın altında qalıb. Bu barədə Modern.az-a məlumat verən “Bakı Metropoliteni” Qapalı Səhmdar Cəmiyyətinin (QSC) mətbuat xidmətinin rəhbəri Nəsimi Paşayev deyib ki, hadisə saat 12:30 radələrində baş verib:
“Hadisə nəticəsində qatarın altına yıxılan 1934-cü il təvəllüdlü Xəlilov Səyyad Şirin oğludur. Əməkdaşlarımız platformaya daxil olan qatarı cərəyandan ayırıb və saat 12:50-də Səyyad Xəlilov huşsuz vəziyyətdə qatarın altından çıxarılıb. Burada məlum olub ki, onun bədənində hər hansı sınıq xəsarəti yoxdur, yəni qatarın altında qalsa da, ortadakı boşluğa düşüb və vaqonun təkərləri onun üstündən keçməyib. Bununla belə hadisənin şoku altında olan ahıl kişinin ürəyi partlayıb və onun həyatını xilas etmək mümkün olmayıb”.
N.Paşayev bildirib ki, hadisə yerinə təcili yardım çağırılıb: "Təcili yardım briqadası həkimlərinin səyinə baxmayaraq, ahıl kişi ölüb”.
Gülşən RAUFQIZI
