Hər il iyunun 23-ü Azərbaycan Respublikasında Dövlət Qulluqçularının Peşə Bayramı kimi qeyd edilir. Modern.az xəbər verir ki, dövlət qulluqçularının peşə günü ilə əlaqədar Prezident İlham Əliyev hər il dövlət qulluğunda səmərəli fəaliyyətlərinə görə bir qrup şəxsi təltif edir.
Həmin dövlət qulluqçularının sırasında Milli Məclisin Dövlət quruculuğu üzrə qanunvericilik şöbəsinin müdiri Hacı Mirhəşim Miryaqub oğlu Seyid də var. Prezident İlham Əliyevin 22 iyun 2016-cı il tarixli sərəncamı ilə ona “Dövlət qulluğunda fərqlənməyə görə” medalı verilib.
Bu il iyunun 19-da isə Hacı Mirhəşim Miryaqub oğlu Seyidə ölkə başçısının sərəncamı ilə "2-ci dərəcə dövlət müşaviri" dövlət qulluğu rütbəsi verilib.
Hacı Mirhəşim Seyid 13 yanvar 1962-ci ildə anadan olub. İxtisasca hüquqşünasdır.
Modern.az saytının əməkdaşları Dövlət Qulluqçularının Peşə Bayramı münasibətilə Hacı Mirhəşim Seyidi təbrik edir, ona işlərində uğurlar arzulayır.
Modern.az