Avtonəqliyyat Baş Gömrük İdarəsi Gömrük hüquqpozmalarına qarşı mübarizə şöbəsinin əməkdaşları daxil olmuş əməliyyat məlumatı əsasında Azərbaycan vətəndaşı Cəfərov Zakir İsrafil oğlu tərəfindən “Sərbəst dövriyyə üçün buraxılış” gömrük rejimində rəsmiləşdirmək üçün ölkəyə gətirilmiş 2016-cı il buraxılışlı “MERCEDES BENZ VİTO TOURER” markalı nəqliyyat vasitəsinə baxış keçiriblər.
Bu haqda Modern.az-a Dövlət Gömrük Komitəsindən məlumat verilib.
Baxış zamanı “MERCEDES BENZ VİTO TOURER” markalı nəqliyyat vasitəsinin Rusiya Federasiyasında oğurlanması və axtarışda olması müəyyən edilib.
Faktla bağlı araşdırma aparılır.
Modern.az
