Ümumrusiya Azərbaycan Konqresinin (ÜAK) fəaliyyətinin dayandırılması hələ ki qüvvədədir.
Bu barədə Modern.az-a ÜAK-ın icraçı katibi İlqar Hacıyev məlumat verib.
O deyib ki, yekun qərar sentyabrın 19-da baxılacaq apellyasiya şikayətindən sonra bəlli olacaq:
“Apellyasiya şikayətinin müsbət həll olunacağına ümid edirik. Hazırda isə heç bir yenilik yoxdur”.
Qeyd edək ki, Rusiya Ali Məhkəməsi 2017-ci il 15 may tarixində Ədliyyə Nazirliyinin iddiası əsasında ÜAK-ın qeydiyyatını ləğv edib. İyunun 15-də ÜAK Rusiya Ali Məhkəməsinin müvafiq qərarından apellyasiya şikayəti verib.
Xatırladaq ki, Ümumrusiya Azərbaycan Konqresi 2001-ci ildə yaradılıb.
Gülşən RAUFQIZI
