Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurası 2011-ci il - “Turizm ili” çərçivəsində QHT layihələrinin maliyyələşdirilməsi üçün müsabiqə elan edib.
Modern.az-ın məlumatına görə, Şora müsabiqədə iştirak etmək üçün QHT-ləri ərizə təqdim etməyə dəvət edib.
Şura aşağıdakı mövzular üzrə layihələrə üstünlük verəcək:
| SN | Mövzuların adı | 1 layihənin maksimum məbləği |
| 1 | Azərbaycanın turizm potensialının öyrənilməsi və təbliği | 5 000,0 |
| 2 | Azərbaycanın turizm ehtiyatlarından səmərəli istifadə olunmaqla zəngin coğrafi landşafta malik ölkənin təbiət abidələrinin tanıdılması | 5 000,0 |
| 3 | Azərbaycanda yeni turizm marşrutlarının müəyyən edilməsi və tanıdılması | 4 000,0 |
| 4 | Turizm təhsilinin gücləndirilməsinə yönəlmiş fəaliyyətlər | 6 000,0 |
| 5 | İşğal edilmiş ərazilərin turizm potensialı və müharibə nəticəsində turizm sektoruna təsirin öyrənilməsi | 6 000,0 |
| 6 | Ayrı-ayrı turizm növlərinin Azərbaycanda təbliğinə yönəlmiş fəaliyyətlər | 5 000,0 |
| 7 | Azərbaycanda turistlər üçün xalq yaradıcılığı işlərinin və suvenirlərin inkişafına yönəlmiş təşəbbüslər | 6 000,0 |
Müsabiqənin ümumi fondu 80 min manat təşkil edir.
Ərizələr 16 may 2011-ci il tarixdən həftənin I-V günlərində (yalnız iş günləri) saat 10.00-dan 18.00-dək Şuranın ofisində qəbul olunur. Ərizə şəxsən təqdim edilməli və ya poçtla göndərilməlidir. Ərizələrin qəbulu üçün son tarix: 03 iyun 2011-cu il saat 16.00-dır.
Müsabiqənin nəticələri 2011-ci ilin iyulun 01-dən sonra elan olunacaq.
