Goranboyda 3 nəfərin xəsarət alması ilə nəticələnən yol qəzası baş verib. Modern.az APA-ya istinadən xəbər verir ki, hadisə Goranboy-Xanqərvənd avtomobil yolunda qeydə alınıb.
Hərəkətdə olan “VAZ 2104” markalı avtomobil idarəetmədən çıxaraq yolun kənarına aşıb. Qəza zamanı 3 nəfər xəsarət alaraq rayon Mərkəzi Xəstəxanasına yerləşdirilib. Xəsarət alanlar sürücü, 1990-cı il təvəllüdlü Bakı şəhər sakini, Əliyev Ramiz Nəsrəddin oğlu, sərnişinlər - Xan Qərvənd kənd sakini, 1978-ci il təvəllüdlü Əliyev Vüqar Hüseyn oğlu və Xan Qərvənd-Yeni yol kənd sakin,i 1975-ci il təvəllüdlü Həsənov Ayaz Tofiq oğludur.
Yaralılara tibbi yardım göstərilib vəziyyətləri kafi qiymətləndirilir. Faktla bağlı Goranboy rayon Polis şöbəsində araşdırma aparılır.
Modern.az
