Bu gün UEFA-nın Çempionlar Liqasında 3-cü təsnifat mərhələsinin cavab oyunları keçiriləcək.
Modern.az xəbər verir ki, Azərbaycan çempionu "Qarabağ" səfərdə Moldovanın “Şerif” klubu ilə qarşılaşacaq. Bakıda keçirilən matçda heç-heçə (0:0) qeydə alındığından hər iki komandanın mərhələ keçmək şansı var.
Qeyd edək ki, “Qarabağ” mərhələni keçəcəyi təqdirdə Azərbaycan futbolunda yeni tarix yazacaq. Çünki indiyədək heç bir klubumuz Çempionlar Liqasının pley-off mərhələsinə yüksələ bilməyib.
1 avqust
Çempionlar Liqası
3-cü təsnifat mərhələsi, cavab oyunu
21:00. “Şerif” (Moldova) – “Qarabağ” (Azərbaycan)
İlk oyun – 0:0
Baş hakim: Roy Reynşreyber
Baş hakimin köməkçiləri: Amihay Yehoşua Mozes, Dan Uçeniç
Dördüncü hakim: Daniel Bar Natan (hamısı İsrail)
Tiraspol. “Şerif” stadionu
