Göygöldə 23 yaşlı oğlan günvurma nəticəsində ölüb.
Modern.az ARB TV-yə istinadən xəbər verir ki, hadisə rayonun Quşqara kəndində qeydə alınıb.
Tikintidə çalışan Tərtər rayon Sarov kənd sakini, 23 yaşlı Orxan Əliyev günün altında işlədikdən sonra halı pisləşib. Ona tibbi yardım göstərilsə də, həyatını xilas etmək mümkün olmayıb. Ölümün dəqiq səbəbi müayinədən sonra məlum olacaq.
Faktla bağlı araşdırma aparılır.
