Yunanıstanın Rodos adasına qeyri-leqal yolla keçən 17 Türkiyə vətəndaşı Afinadan sığınacaq tələb edib. Modern.az Türkiyə mediasına istinadən xəbər verir ki, həmin şəxslər Fəthulla Gülən hərəkatına mənsub olmaqda şübhəli bilinir. Həmin şəxslər arasında 5 müəllim də var.
Məlumata görə, Türkiyə hökumətinin həmin şəxslərin geri qaytarılması məqsədilə Yunanıstan rəhbərliyinə müraciət edəcəyi gözlənilir.
Qeyd edək ki, hazırda Yunanıstanda Fəthulla Gülən hərəkatına mənsub olmaqda şübhəli bilinən 500-ə yaxın Türkiyə vətəndaşı var.
Modern.az
