Lənkəranda baş verən yol qəzasında xəsarət alanların kimliyi məlum olub. Modern.az APA-ya istinadən xəbər verir ki, bunlar Masallı rayon sakinləri, 1984-cü il təvəllüdlü Vüsal Məmmədov, 1986-cı il təvəllüdlü Əlizamin Rızayev, 1983-cü il təvəllüdlü Elşad Məmmədov, 1988-ci il təvəllüdlü Fərrux Niftiyevdir. Daha bir nəfər adı hələ ki, açıqlanmayan şəxsin yüngül xəsarət aldığı bildirilir.
Yaralılardan ikisinin vəziyyəti ağır kimi qiymətləndirilir. Qəzaya düşən şəxslərin Masallı mühafizə polisinin əməkdaşları olduğu bildirilir.
Məlumata görə, qəzaya uğrayan avtomobilin sürücüsü və sərnişinləri Masallı Rayon Polis İdarəsinin əməkdaşları olublar.
Qeyd edək ki, bu axşam Masallı rayonunda “Mercedes” markalı avtomaşının dərəyə aşması nəticəsində 5 nəfər xəsarət alıb.
22:27
Lənkəranda ağır yol qəzası baş verib. Modern.az APA-ya istinadən xəbər verir ki, hadisə Osaküçə kəndi ərazisində qeydə alınıb.
İdarəetməni itirən sürücünün avtomobili dərəyə yuvarlanıb. Nəticədə maşında olan 5 nəfər ağır xəsarət alaraq Lənkəran rayon mərkəzi xəstəxanasına çatdırılıb. Onların ikisinin vəziyyətinin ağır olduğu bildirilir.
Yaralıların şəxsiyyəti dəqiqləşdirilir.
Modern.az
