Əfqanıstanda NATO hərbçilərini daşıyan kortejə edilən hücum nəticəsində ölən və yaralananların sayı dəqiqləşib. Modern.az xarici mediaya istinadən xəbər verir ki, paytaxt Kabilin Qarabağ mahalında təşkil edilən kamikadze hücumu nəticəsində 4 nəfər ölüb. Hadisə nəticəsində daha 6 nəfər yaralanıb.
Belə ki, üzərində qadın paltarı olan bir şəxs Qarabağ icra nümayəndəliyi qarşısında xidmətdə olan hərbi avtomobilə yaxınlaşıb və özünü partladıb.
Ölənlərdən birinin NATO əsgəri, 3-nün isə mülki şəxs olduğu deyilir.
Bundan əlavə, 5 hərbçi və 1 tərcüməçinin də yaralandığı qeyd edilib.
Qeyd edək ki, bir neçə gün öncə sözügedən mahalda ABŞ hərbi kortejinə də kamikadze hücumu təşkil edilmişdi.
Modern.az
