Millət vəkili Vahid Əhmədov dünən Quba rayonunun Qonaqkənd qəsəbəsində seçicilərlə növbəti görüşünü keçirib. Görüşün əvvəlində deputat Milli Məclisdəki fəaliyyəti barədə seçicilərə ətraflı məlumat verib. Sonra tədbirdə iştirak edən kənd sakinləri onları narahat edən problemlərdən danışıblar.
Deputat köməkşisi Arif Orucovun Modern.az-a bildirdiyinə görə, tədbirdə qeyd olunub ki, deputatın uğurlu fəaliyyəti nəticəsində rayon rəhbərliyinin kəndin problemlərinin həlli istiqamətində apardığı iş gücləndirilib, rayon idarə və müəssisələinin bir neçə məsul şəxsləri kəndə gələrək əhali ilə ğörüşlər keçiriblər.
“Sevindirici hal kimi Quba-Qonaqkənd yolunun təmir olunması xüsusi qeyd edildi, çayın üzərindən keçən körpünün tikintisi işinin sürətləndirilməsi xahiş olundu”-deyə köməkçi bildirib.
Sonda V.Əhmədov seçicilərin suallarını cavablandırıb.
