Bir neçə gün idi ki, Tiflisdə hökumət əleyhinə şüarlarla çıxış edən 3 minədək etirazçı sabiq spiker Nino Burcanadzenin rəhbərliyi ilə mitinq keçirirdi. Mitinqdə prezident Mixail Saakaşvilinin istefası tələb olunurdu. Aksiyaçılar mayın 26-da müstəqillik günü münasibətilə keçiriləcək parada mane olmaq istəyirdilər.
Hakimiyyət bundan əvvəl elan etmişdi ki, təntənəli tədbirlərin keçirilməsinə maneə törədənlərə qarşı qanun çərçivəsində addımlar atılacaq. Aksiya iştirakçılarına ötən gecəyədək meydanda qalmağa icazə verilmişdi.
Daxili İşlər Nazirliyinin məlumatına əsasən, 1 polis əməkdaşı ölüb. Onun müxalifət liderlərindən birinin maşının altında qaldığı bildirilir.
Bundan başqa, 19 mitinq iştirakçısının xəsarət aldığı bildirilir. Müxalifət lideri N.Burcanadzenin oğlunun həbs olunduğu qeyd edilir.
