Azərbaycanda fəaliyyət göstərən 31 bankın 31 iyul 2017-ci il tarixinə cəmi aktivləri 29,708.5 milyon manat, cəmi öhdəlikləri 26,872 milyon manat təşkil edib. Sektorun balans kapitalı 2,836.5 milyon manatdır.
Modern.az saytı Maliyyə Bazarlarına Nəzarət Palatasının (MBNP) açıqladığı hesabata istinadən xəbər verir ki, əhalinin əmanətləri 6,834.1 milyon manat həcmindədir.
Bankların filiallarının sayı 560, şöbələrinin sayı 141, ATM-lərin sayı 2,505-dir. Bütövlükdə, bank sektorunun işçi heyəti 16,123 nəfər təşkil edir.
2017-ci ilin 31 iyul tarixinə olan bank sektorunun əsas göstəriciləri bank sektorunun icmal göstəricilərində öz əksini tapıb.
