Bu gün "Qarabağ"ın 19 yaşadək futbolçulardan ibarət komandası UEFA Gənclər Liqasında ilk oyununa çıxıb.
Modern.az-ın məlumatına görə, Rəşad Sadıqovun komandası səfərdə "Çelsi"dəki həmyaşıdları ilə üz-üzə gəlib.
Matç Bakı vaxtı ilə saat 16:05-də başlayıb.
Görüş meydan sahiblərinin 5:0 hesablı qələbəsi ilə başa çatıb.
Qeyd edək ki, matçda ilk hissə 0:0 hesabı ilə yekunlaşıb. 49-cu dəqiqədə "Qarabağ"dan İbrarim Qədirzadə qırmızı vərəqə alıb. Bundan sonra isə komanda düz 5 cavabsız qol buraxıb.
