İyunun 1-də 2011/2012-ci tədris ili üçün Azərbaycan Respublikasının ali təhsil müəssisələrinə və tam orta təhsil bazasında orta ixtisas təhsili müəssisələrinə qəbul imtahanlarında iştirak etmək istəyən abituriyentlərin ərizələrinin qəbulu başa çatıb.
Tələbə Qəbulu üzrə Dövlət Komissiyasının (TQDK) mətbuat xidmətindən Modern.az-a verilən məlumata görə, qəbul imtahanlarında iştirak etmək üçün abituriyentlər aprelin 20-dən mayın 31-dək internet vasitəsilə elektron ərizə doldurub və aprelin 27-dən iyunun 1-dək müvafiq sənəd qəbulu komissiyasına tələb olunan sənədləri təqdim etməklə ərizələrini təsdiq etdiriblər.
Qeyd edək ki, ərizələrin SQK-larda təsdiqi üçün nəzərdə tutulmuş son müddət mayın 31-də başa çatmalı olsa da, elektron ərizə doldurmuş, lakin SQK-da təsdiq etdirməmiş abituriyentlərin sayının çox olması nəzərə alınaraq, ərizələrin təsdiqinin 1 iyun 2011-ci il saat 17:00-dək uzadılması barədə qərar qəbul edilmişdi.
İlkin statistik məlumatlara əsasən Sənəd Qəbulu Komissiyalarında 110426 abituriyent elektron ərizəsini təsdiq etdirib. İxtisas qrupları Bolmə I qrup II qrup III qrup IV qrup Cəmi Azərbaycan 31706 23876 29521 14089 99192 Rus 3281 3194 3338 1421 11234 Cəmi 34987 27070 32859 15510 110426
Aşağıdakı cədvəldə bölmə və ixtisas qrupları üzrə təsdiqlənmiş elektron ərizələrin sayı haqqında ilkin statistik məlumat təqdim olunur:
Modern.az
