Azərbaycanın Respublikasının maliyyə naziri Samir Şərifov iyun ayının 4-də Kiyevdə işinə başlamış Müstəqil Dövlətlər Birliyinə üzvü olan ölkələrin maliyyə nazirlərinin daimi fəaliyyət göstərən müşavirəsinin növbəti – 5-ci iclasında iştirak edir.
Maliyyə Nazirliyindən Modern.az-a verilən məlumata görə, müşavirənin gündəliyinə MDB-yə üzv olan dövlətlərin iqtisadi-maliyyə vəziyyəti, 2010- cu il ərzində dünya maliyyə böhranının nəticələrinin aradan qaldırılması istiqamətində görülən işlər və digər məsələlər daxildir.
Maliyyə nazirləri həmçinin MDB ölkələri Maliyyə Nazirlikləri arasında əməkdaşlığa dair Memurandumla bağlı da müzakirə aparacaqlar.
MDB dövlətləri maliyyə nazirlərinin daimi fəaliyyət göstərən Müşavirəsi vəziyyəti öyrənmək və böhrana qarşı tədbirlər hazırlamaq üçün 2008-ci il oktyabrın 10-da üzv dövlətlərin hökumət başçılarının qərarı ilə yaradılıb. Qurumun ilk iclası 2008-ci il oktyabrın 21-də keçirilib.
Modern.az
