NATO üzvləri olan ölkələrin Brüsseldə keçirilən bu günkü görüşündə Liviyada hərbi əməliyyatların davam etdirilməsi barədə qərar qəbul edilib. Modern.az “RİA-Novosti”yə istinadən bildirir ki, qərarda hərbi əməliyyatların sona qədər davam etdiriləcəyi vurğulanıb. “Hərbi əməliyyat nə qədər lazımdır o qədər də davam etdiriləcək”-deyə “Frans-Press” məlumat yayıb.
Alyansa daxil olan ölkələrin müdafiə nazirləri həmçinin Liviyanın dinc əhalisinin müdafiəsi üçün mümkün vasitələrdən istifadə edilməsini istəyiblər. Sənəddə vurğulanır ki, hərbi əməliyyatların şərtləri Qəddafinin əleyhinə oynayır. NATO onun legitimliyini itirdiyini bəyan edib və hakimiyyətdən getməsini tələb edib.
Qeyd edək ki, Azərbaycanın müdafiə naziri Səfər Əbiyev də Brüsseldə NATO-nun tədbirində iştirak edir.
