Mingəçevir şəhərində yanğın qeydə alınıb. Fövqəladə Hallar Nazirliyindən Modern.az-a verilən məlumata görə, Mingəçevir şəhərində ümumi sahəsi 30 kvadrat metr olan avtomobil təmiri sexi yanıb. Belə ki, avtomobil sexinin lambirindən ibarət üzlüyü 6 kvadrat metr sahədə və sexdə təmirə dayanmış “Mercedes” markalı minik avtomobilinin yanar hissələri yanıb.
Sexin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.
