Azərbaycanın müdafiə naziri, general-polkovnik Zakir Həsənov sabah Gürcüstana səfər edəcək. Modern.az "Report"a istinadən xəbər verir ki, iki gün davam edəcək səfər çərçivəsində Zakir Həsənov Gürcüstanın Müdafiə Naziri Levan İzoria və Türkiyə Silahlı Qüvvələrinin Baş Qərargah rəisi ilə həm ikitərəfli, həm də üçtərəfli görüşlər keçirəcək. Bu görüşlərdə regional əməkdaşlıq, regional təhlükəsizlik, iki və üçtərəfli əməkdaşlıq məsələləri müzakirə ediləcək.
