Ali təhsil müəssisələrinin magistraturalarına qəbul imtahanının ikinci mərhələsində iştirak etmək üçün proqram və ixtisaslaşma seçimi davam edir.
Tələbə Qəbulu üzrə Dövlət Komissiyasının mətbuat xidmətindən Modern.az-a verilən məlumta görə, indiyə qədər 2520 bakalavr elektron ərizəsini təsdiq edib.
Ali təhsil müəssisələrinin magistraturalarına 20 fevral 2011-ci il tarixində keçirilmiş qəbul imtahanının birinci mərhələsinin nəticələrinə görə, müsabiqə şərtlərini ödəyərək imtahanın ikinci mərhələsinə buraxılmış bakalavrların internetlə proqram və ixtisaslaşma seçimi davam edir.
13 iyun saat 11:30-a olan məlumata əsasən, 2520 bakalavr internetlə elektron ərizələrinə daxil olaraq bitirdikləri bakalavr ixtisasına uyğun qəbul proqramını və ixtisaslaşmaları seçib təsdiq ediblər.
Xatırladırıq ki, təsdiq prosesi iyunun 15-də (saat 10:00-da) başa çatacaq.
Hələ də proqram və ixtisaslaşma seçimini təsdiqləməyən bakalavrların qeyd olunan proseduru vaxtında icra etmələri tələb olunur. Əks halda, onlar iyunun 26-da keçiriləcək magistraturaya qəbul imtahanının ikinci mərhələsinə buraxılmayacaqlar.
Modern.az
