Dekabrın 13-də Azərbaycan Dillər Universitetində “Bir günlük xəlifə” layihəsi həyata keçiriləcək.
Bu barədə Modern.az-a universitetin mətbuat katibi Ağa Cəfərli məlumat verib. “Bir günlük xəlifə” layihəsi çərçivəsində tələbələr bir gün ərzində universitetin rəhbər strukturlarını idarə edəcəklər.
“Bir günlük xəlifə” layihəsi saat 09:00-dan 18:00-a kimi ADU-nun hər üç tədris binasında təşkil olunacaq.
Qeyd edək ki, “ Bir günlük xəlifə” layihəsini Azərbaycan Dillər Universitetində ilk dəfədir keçirilir. 32 vəzifəyə seçilən namizədlər bir gün ərzində öhdələrinə düşən vəzifəni layiqincə yerinə yetirməyə çalışacaqlar.
Əbülfəz Kərimov
