Azərbaycanın işğal altındakı Dağlıq Qarabağ bölgəsini ziyarət edən turistlərin sayı 2017-ci ilin 11 ayı ərzində 20 mini keçib.
Modern.az Ermənistan KİV-nə istinadən xəbər verir ki, bu barədə tanınmamış qondarma rejimin turizm komitəsinin rəhbəri Artak Qriqoryan məlumat yayıb.
Onun sözlərinə görə, 2017-ci ildə Qarabağa gələn turistlərin sayı 2016-cı illə müqayisədə 40% artıb. O gələn il turist cəlb etmək üçün Qarabağda beynəlxalq sərgilərin keçiriləcəyini də deyib.
