Milli Məclisin payız sessiyasının sonuncu iclasının vaxtı və gündəliyi müəyyənləşib.
Modern.az-ın məlumatına görə, parlamentin payız sessiyasının sonuncu iclası dekabrın 29-da keçiriləcək.
İclasın gündəliyinə 17 məsələ daxil edilib. Gündəlikdə bir sıra qanunlara dəyişiklər və sazişlərin təsdiqlənməsi nəzərdə tutulur.
İclasda aşağıdakı qanunlara dəyişikliklərin edilməsi gözlənilir:
- “Bələdiyyələrin statusu haqqında” qanuna dəyişiklik;
- “Bələdiyyə torpaqlarının idarə edilməsi haqqında” qanuna dəyişiklik;
- “Azərbaycan Respublikası Hökuməti ilə Türkmənistan Hökuməti arasında bitki karantini sahəsində əməkdaşlıq haqqında” Sazişin təsdiq edilməsi barədə” saziş;
- “Silahlı Qüvvələr haqqında” qanun layihəsi 3-cü oxunuşda”
- Miqrasiya Məcəlləsinə dəyişiklik;
- Gömrük Məcəlləsinə dəyişiklik;
- “Dövlət qulluğu haqqında” qanuna dəyişiklik;
- “Yol hərəkəti haqqında” qanuna dəyişiklik;
- “Turizm haqqında” qanuna dəyişiklik;
- Milli Məclisin 31 Dekabr - Dünya Azərbaycanlılarının Həmrəyliyi Günü münasibətilə dünya azərbaycanlılarına müraciəti.
