BMT Baş Assambleyasında keçirilən səsvermə zamanı ABŞ Prezidenti Donald Trampın Qüdsün statusu ilə bağlı qərarı ləğv edilib. Modern.az xəbər verir ki, qətnamə lehinə 128, əleyhinə 9 səs olmaqla qəbul edilib. Səsvermə zamanı 35 ölkə isə bitərəf qalıb.
Beləliklə, Trampın qərarının beynəlxalq birlik tərəfindən qəbul edilmədiyi qəti şəkildə ortaya qoyuldu.
Qeyd edək ki, qətnamənin əleyhinə ABŞ, İsrail, Qvatemala, Qonduras, Marşal Adaları, Mikroneziya, Nauru, Palau, Toqo səs verib.
