Paytaxtda mənzildə 60 yaşlı kişi meyiti tapılıb.
Bu haqda Modern.az-a Fövqəladə Hallar Nazirliyindən bildirilib.
Belə ki, Böhran Vəziyyətlərində İdarəetmə Mərkəzinə daxil olmuş məlumata əsasən, Bakı şəhərinin Nizami rayonunda 1 nəfər bağlı qapı arxasında köməksiz vəziyyətdə qalıb.
Hadisə yerinə cəlb olunmuş Xüsusi Riskli Xilasetmə Xidmətinin xilasetmə qüvvələri mənzilin qapısını açıb və orada aşkarlanan 1957-ci il təvəllüdlü Lobov Vitali Nikolayeviçin cəsədini aidiyyəti üzrə təhvil veriblər.
