Türkiyədə İŞİD-lə əlaqəsi olan daha 26 nəfər saxlanılıb. Modern.az Türkiyə mediasına istinadən xəbər verir ki, bu barədə Türkiyənin Bingöl vilayətinin rəhbərliyiməlumat yayıb.
Məlumata görə, qonşu Suriyada və İraqda İŞİD-in iştirakı ilə silahlı münaqişə başlayandan bəri Türkiyənin hüquq-mühafizə orqanları bu terror qruplaşmasıyla əlaqədə şübhəli bilinən 5 min nəfərdən çox şəxsi saxlayıblar. 95 ölkədən olan 3 min 290 nəfər Türkiyədən deportasiya edilib, təxminən 38 min insanın isə ölkəyə girişi qadağan olunub. Hazırda qoruma altında 780 nəfər var, onların 350-si əcnəbidir. Saxlanılanların bir hissəsi terror ittihamı ilə həbs olunub.
