Status yazaraq Azərbaycanın mübariz xalq şairi Xəlil Rza Ulutürkü təhqir edən gənc yazar Kəramət Böyükçöl "Facebook"dakı səhifəsini bağlayıb. Modern.az xəbər verir ki, bu barədə “musavat.com”a məlumat verən Kəramət Böyükçölün sözlərinə görə, səhifəsini bağlamasının əsas səbəbi insanların onu durmadan təhqir etməsidir:
"Bağladım ki, baş-qulağım dincəlsin. Hələ bir müddət səhifəni aktivləşdirmək fikrim yoxdur. Doğrusu, statusumun bu cür reaksiyalara səbəb olacağını gözləmirdim".
Qeyd edək ki, sadə vətəndaşlarla bərabər bir sıra ictimai şəxslər də K. Böyükçölün Xəlil Rza Ulutürk haqqında təhqiramiz fikirlərinə qarşı çıxıb, onun yanlış addım atdığını söyləyiblər.
